Miklos Bornemissza, vicprezidanto de la Komerca kaj Industria Ĉambro de Budapeŝto, lastatempe diris, ke Hungario esperas vastigi kunlaboron kun Ĉinio. Laŭ li, la konstanta kresko de duflanka komerco estas antaŭenpuŝata de strategia politika kunlaboro kaj ekonomia komplemento de la du landoj. Hungario ludas pontan rolon inter la Oriento kaj la Okcidento kaj aktive partoprenas en la iniciato "La Zono kaj Vojo", kiel stabila fundamento por longdaŭra kunlaboro.

Infrastrukturo kaj investo estas ŝlosilaj, diris Bornemissza. "La evoluigo de la fervojo inter Budapeŝto kaj Beogrado estas atendita plifortigi Hungarion kiel regiona loĝistika centro por ĉinaj varoj enirantaj Eŭropon." Dume, ĉina investo en Hungario signife pliiĝis en la lastaj jaroj, precipe en la sektoroj de elektraj veturiloj kaj baterioj, "kontribuante al la evoluigo de lokaj provizoĉenoj."

Krom komerco kaj investo, Bornemissza emfazis kreskantajn ŝancojn en kultura kaj turisma kunlaboro inter la du flankoj. Kiam ekonomiaj ligoj pliprofundiĝas, kunlaboro en turismo, edukado kaj kulturaj industrioj ankaŭ vastiĝas.

Antaŭrigardante, Bornemissza ankaŭ malkaŝis la planojn antaŭenigi hungarajn produktojn en la ĉinan merkaton por akceli la eksportadon de Hungario.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat