La transformiĝo de Ĉinio pri grandskala urba ekspansio al kvalit-direkta kaj hom-centra modelo de disvolviĝo estas "tre signifa" kaj enhavas valorajn spertojn por la mondo, diris la Administra Direktoro de la Programo de Unuiĝintaj Nacioj pri Homaj Setlejoj (UN-Habitat) Anaclaudia Rossbach lastatempe.

"La agado de Ĉinio kontraŭ senorda ekspansio de urbegoj kaj favore al pli kvalit-direkta kaj hom-centrita modelo estas tre signifoplena," diris Rossbach. "Ĝi reflektas tutmondan aliron fokusitan al vivebleco, urba renovigo, verda disvolviĝo kaj efika teruzado."

Ŝi diris, ke la sperto de Ĉinio "estas ege valora pri kombino de ekonomia disvolvado kun daŭripovo, rezisteco kaj pli bona urba administrado". La vera mezuro de urba progreso kuŝas ne nur en infrastrukturo, sed ankaŭ en la vivspertoj de loĝantoj -- ĉu homoj havas aliron al facila loĝado, bazaj servoj, trafiko, edukado kaj ekonomiaj ŝancoj.

Ŝi ankaŭ menciis pri la kontribuoj de Ĉinio al sud-suda kunlaboro. "La plej grava modelo estas, ke urbanizado kaj urba progreso estu traktataj kiel ŝancoj plibonigi vivnivelojn, redukti malriĉecon kaj subteni daŭripovan ekonomian kreskon," diris Rossbach.

Antaŭenrigardante, ŝi diris, ke UN-Habitat celas profundigi sian partnerecon kun Ĉinio por plifortigi kunlaboron inter urboj kaj akceli inkluzivan, klimat-rezisteman urban disvolviĝon tutmonde.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat