La 19-an de aprilo komenciĝos la Pekina Yizhuang-a Duonmaratono kaj Duonmaratono de Homaspekta Roboto en 2026. Dum la plenproceza kaj ĉiuelementa provkurado komencita vespere de la 11-a de aprilo, pli ol 70 teamoj de homaspektaj robotoj montris evidentan rapidecon en pli ol dek teraspektoj, kelkaj jam povas atingi la  rapidecon de ordinara homa kurado, kaj unu el ili eĉ rompis la homan duonmaratonan rekordon.

Fakte, laŭ la reguloj, la roboto, kiu unue transiros la cellinion, ne nepre estas la ĉampiono. La konkurso prioritatigas teknologion: la duonmaratono de homaspekta roboto fokusiĝas sur elementoj kiel neta fintempo, pezbalancitaj koeficientoj por respondaj kontrolreĝimoj, kaj akumulitaj puntempoj dum la kurado. Tamen, la homaspektaj robotoj kuras simile al homoj kaj progresas je videbla rapideco — pasintjare aperis la slogano"kompletigi la vetkuron estas heroeco", kaj nun oni jam diras"kuri la tutan vojon rapide kaj stabile, kun plena aŭtonomeco" — tia progreso estas vere entuziasmiga. La valoro de pli rapidaj robotoj ne estas limigita al kurado, ĝi kuŝas sur adaptiĝo al ĉiutagaj scenaroj kiel urĝsavo, liverado de medikamentoj kaj prizorgado de maljunuloj.

Kompare kun la pasinta duonmaratono, ĉi-jara konkurso havas pli ol 100 teamojn, preskaŭ kvinoble pli ol pasintjare. 40% de la teamoj estas aŭtonomaj robotoj, montrante pli altan nivelon de teknologio. Ĉi tiu progreso same ne estas limigita al rapideco. La nombro da robotoj en la pasinta jaro estis malgranda, ili ĝenerale malstabile paŝis kaj riskis fali dum kurado pro vojkurbiĝo kaj deklivo. Ili multe dependis de homregado, montrante malfortan aŭtonomecon kaj malaltan kapablon fini la konkurson. Sed en ĉi-jara konkurso, la robotoj montras signifajn plibonigojn dum provkurado. Multaj robotoj montras plenan aŭtonomecon, povas planadi, eviti obstaklojn, kaj ne plu tiom dependas de homregado. Tio plialtigis la nivelon de la konkurso kaj pli bone akordiĝas kun la bezonoj de la industrio.

Robota maratono jam fariĝis fenestro por montri teknologion. Ĉi-jare, surbaze de la duonmaratono, la konkurso aldonis 17 defiojn, fokusante sur testado de ilia navigado, media detekto, kapabloj por transiri obstaklojn kaj teama kunordigo. La celo estas testi la kernajn kapablojn de la robotsistemo per realaj scenaroj. La praktiko de kernaj teknikoj kiel rapideco kaj evit-povo liveros signifan ŝancon por teknologia novigado.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat