Nature estas la ĉefa plurfaka scienca revuo de la mondo. Magdalena Skipper estas la unua ĉefredaktorino de ĝi. Lastatempe Skipper diris, ke la 15-a Kvinjara Plano de Ĉinio povas provizi direkton por scienca disvolviĝo.

"La unua afero substrekinda estas la engaĝiĝo daŭrigi la financadon de scienco," ŝi diris pri la celo de Ĉinio pliigi siajn tutlandajn elspezojn pri esplorado kaj disvolviĝo."Estas grava signalo por la scienca komunumo, ke la registaro komprenas, ke scienco bezonas financan subtenon, kaj ke ĝi estas konsiderata grava parto de la kresko de la nacio."

"Alia afero, kiu vere elstaras, estas la klara rekono, ke scienco hodiaŭ devas esti plurfakeca, kaj ke kelkaj el la plej gravaj solvoj venos de multaj fakoj kuniĝantaj," diris la ĉefredaktorino, aldonante, ke ĉi tiu aliro estas komprenema kaj antaŭenrigardanta.

"La tria punkto estas la rekono de la ŝanco, kiu kuŝas en fundamenta esplorado," ŝi diris. "Ni scias, ke fundamenta esplorado ofte, post sufiĉe da tempo, kondukas al realaj aplikoj kaj transformaj malkovroj."

Ŝi menciis la proponon de Ĉinio konstrui la Mondan Organizon por Kunlaboro pri Artefarita Intelekto, dirante, ke la mondo bezonas "tutmondan kadron", kiu trovas ekvilibron inter regado de riskoj kaj antaŭenigado de novigado.

"Ĉinio nun estas la ĉefa produktanto de esploraj publikaĵoj tra la tuta kampo," ŝi diris, aldonante, ke ŝia fokuso ne estis nur sur kvanto sed sur kvalito, kiun ŝi notis, ke estas sendube ĉeestanta en esplorartikoloj el Ĉinio.

La ĉefredaktorino ankaŭ notis, ke la 15-a Kvinjara Plano de Ĉinio proponas kreskigi malferman kaj novigan ekosistemon kun tutmonda konkurencivo, kaj subteni komunajn klopodojn de sciencistoj tra la tuta mondo por trakti fundamentajn kaj novajn sciencajn defiojn.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat