Laŭ invito de la ĉina ĉefministro Li Qiang, hispana ĉefministro Pedro Sanchez faris oficialan viziton al Ĉinio, kio estas la kvara vizito de la ĉefministro al Ĉinio ene de kvar jaroj kaj alia grava altnivela interŝanĝo inter Ĉinio kaj Hispanio post la pasintjaraj vizitoj al Ĉinio fare de la hispana reĝo kaj la ĉefministro.

Jordi Bacaria, fakulo pri internaciaj rilatoj kaj emerita profesoro ĉe la Aŭtonoma Universitato de Barcelono, diris, ke la oficiala vizito de la hispana ĉefministro Pedro Sanchez al Ĉinio montras konscian kaj longdaŭran diplomatian klopodon konstrui stabilan rilaton kun Ĉinio. "Diplomatiaj rilatoj inter la du landoj ne estas improvizitaj. Ili estas la rezulto de multaj jaroj da laboro."

Bacaria priskribis la aliron de Hispanio kiel la lando, kiu celas fortan rilaton kun Ĉinio, restante akordigita kun pli larĝa kadro de Eŭropo. "La diplomatia strategio de Hispanio celas bonan kaj stabilan rilaton kun Ĉinio, sen subfosi la rilaton inter la Eŭropa Unio kaj Ĉinio," li diris.

Bacaria identigis komercon kaj investadon kiel prioritatojn por la vizito. Li diris, ke Hispanio celas vastigi siajn komercajn ligojn kun Ĉinio, subteni hispanajn kompaniojn en la ĉina merkato kaj akceli eksportojn. "Hispanio bezonas pliigi komercon kun Ĉinio. Ĝi ankaŭ bezonas bonan merkaton por hispanaj kompanioj jam establitaj tie," li diris.

Ĉina investado en Hispanio, precipe en la sektoro de elektraj veturiloj, plue plifortigis duflankajn ekonomiajn ligojn, Bacaria rimarkis. "Hispanio evoluigis sian propran tagordon, celante konservi ĉi tiun rilaton kun Ĉinio por siaj provizĉenoj kaj sia strategio pri renovigebla energio," li diris.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat