de Atsushi Koketsu*

La eraraj diroj pri Taiwan de Ĉinio faritaj de la japana ĉefministrino Sanae Takaichi vekis fortan malkontenton de la ĉina registaro kaj la ĉina popolo. Bedaŭrinde, nek Takaichi mem, nek la japana registaro plene komprenis la kialojn malantaŭ la kolero de Ĉinio.

La diroj de Takaichi estas grava malobservo de internacia juro kaj la Ĉarto de UN, kaj ĝi egalas gravan intervenon en la internajn aferojn de Ĉinio. Sekve, ŝiaj deklaroj efike neas la principon de unu Ĉinio establita en la Ĉin-japana Komuna Deklaro, kaj egalas neon de la politika fundamento de la japan-ĉinaj rilatoj.

La kritiko de la ĉina registaro pri tio estas tute prava kaj neriproĉebla. La japana registaro ofte akuzas Ĉinion, ke Ĉinio provas ŝanĝi la ekzistantan ordon, sed en realeco, estas Japanio mem, kiu celas subfosi la postmilitan internacian ordon.

Indas rimarki, ke certaj politikaj fortoj en Japanio faris fortan proteston kaj opozicion kontraŭ Ĉinio. Kelkaj eĉ senbaze akuzis Ĉinion pri adoptado de "altprema sinteno".

Tiaj mallertaj reagoj, kiuj distordas ĝustecon kaj malĝustecon, akiris forton meze de la kreskanta dekstren-ŝoviĝo en la politika pensado de Japanio. Ĝuste ĉi tiu medio fariĝis fekunda grundo por la apero de la eraraj diroj de Takaichi.

Malantaŭ Takaichi staras dekstraj fortoj, kiuj longe klopodis direkti Japanion al iĝo de milita potenco. De kiam Takaichi faris la erarajn dirojn, la rilatoj inter Japanio kaj Ĉinio daŭre malboniĝas. Ĉi-momente, la sola realigebla solvo estas tuja retiro de la diroj kaj publika pardonpeto.

*Atsushi Koketsu estas emerita profesoro ĉe la Universitato Jamaguchi de Japanio

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat