Lastatempe, en intervjuo kun ĉina raportisto, Hidetoshi Tashiro, ĉefa ekonomikisto de la Japana kompanio Kobayashi Pharmaceutical, diris, ke la kompreno de la japana ĉefministro Sanae Takaichi pri Ĉinio kaj la japan-ĉinaj rilatoj estas grave malkongrua kun la realo. Ŝiaj lastatempaj agoj havis signifan efikon sur la japan-ĉinaj rilatoj, kaj "se ŝi ne retiros tian konduton, tio donos fundamentan baton al la japana ekonomio".

Tashiro esprimis profundan maltrankvilon pri la faroj de Takaichi kontraŭ Ĉinio, kio kondukis al akra malboniĝo de la japan-ĉinaj rilatoj. Li diris, ke japanaj kaj ĉinaj kompanioj havas intimajn rilatojn, ĉinaj produktoj enhavas partojn fabrikitajn de japanaj kompanioj, kaj japanaj produktoj enhavas tiun, kiujn nur ĉinaj kompanioj povas fabriki. Japanio kaj Ĉinio jam delonge estas "neapartigeblaj".

Tashiro diris, ke la bezonoj de Japanio kaj Ĉinio ne estas egalaj, kaj Japanio estas pli dependema. La ekonomio de Ĉinio estas preskaŭ kvinoble pli granda ol tiu de Japanio. Se komerco kaj investado inter la du landoj tute ĉesus, kvankam Ĉinio havus problemojn, tamen por Japanio, ĝin trafos ne nur perdo, tio estus afero de "vivo kaj morto".

"La ĉina ekonomio povas ekzisti sen Japanio, sed la japana ekonomio ne povas ekzisti sen Ĉinio. Se Takaichi rifuzos retiri siajn eldirojn kaj daŭre provokos, lasante neniun esperon por plibonigi la rilatojn inter Japanio kaj Ĉinio, la investa fido de entreprenoj estus forte atakita," diris Tashiro maltrankvile. "Se tio daŭros, la japana ekonomio trafos severan recesion venontjare."

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat