La Nacia Naturrezervejo por Jangzi Delfeno en Tian'e-zhou troviĝas en la urbo Shishou de la provinco Hubei en la meza fluo de Jangzio en Ĉinio. En 1992, ĝi estis oficiale establita per la aprobo de la Ŝtata Konsilio, fariĝante la unua naturrezervejo en la mondo por la transloka protektado de jangziaj delfenoj. En 2006 la provinca instituci-aranĝa komitato de Hubei aprobis ĝin kiel institucion de la ĉefa oficeja nivelo, sub rekta administrado de la Buĝeto de Akvaj Produktoj de Hubei. En 2019 ĝi transdoniĝis al la Buĝeto de Forstado de Hubei.

Esploristo manĝigas jangzian delfenon en la rezervejo

La rezervejo kovras 89-kilometran sekcion de Jangzio ĉe Shishou kaj 21-kilometran akvejon de la malnova riverbranĉo Tian’e-zhou, kun totala areo de 217.98 kvadrataj kilometroj. Laŭ rilataj leĝoj kaj regularoj, ĝiaj taskoj inkluzivas la lokan protektadon de jangzia delfeno en la rivera parto de Shishou, la translokan protektadon kaj sciencan esploradon de la delfenoj en la malnova riverbranĉo Tian'e-zhou, kaj la provojn de artefarita bredado kaj reproduktado de delfenoj en kradkaĝoj. Ekde 1990 kvin delfenoj estis enmetitaj tien por provbredado, kaj nuntempe ĉirkaŭ 80 delfenoj vivas tie, kun pli ol 8 junaj naskiĝantaj ĉiujare. Grupo kapabla memsubteni sin kaj reproduktiĝi estas baze establita. Spertuloj el Ĉinio kaj aliaj landoj atestis, ke ĉi tiu estas nuntempe la sola sukcesa ekzemplo en la mondo de transloka protektado de la specio. La 22-an de majo 2016 la rezervejo sukcesis artefarite reprodukti delfenojn bredatajn en kaĝoj, reprezentante la unuan kazon en Ĉinio kaj pioniran atingon tutmonde, kio signas gravan trarompon en la reproduktado de delfenoj en artefarita bredmedio. Samtempe ĝi estas la nacia naturrezervejo, kiu unue liveris delfenajn idojn al aliaj rezervejoj por transloka protektado.

Vizitantoj observas Jangzion en la naturrezervejo. Tiu punkto estas tre favora por observado de jangziaj delfenoj.

La rezervejo montras elstarajn trajtojn en sia laboro, atingis signifajn rezultojn kaj ricevas tre altan takson pri influo kaj taksado, posedante la neanstataŭigeblan "kvarunikecon". Unue, la laboro pri transloka protektado de delfenoj estas laŭdita de spertuloj enlande kaj eksterlande kiel la sola sukcesa ekzemplo de transloka delfen-protektado en la mondo. Due, en la konkreta protektada procezo, la rezervejo fariĝis la sola kompleta esplorbazo en la mondo por studado de dolĉakvaj delfenoj. Trie, laŭ la longjara monitorado de la Instituto de Hidrobiologio de la Ĉina Akademio de Sciencoj, la populacio de delfenoj en la malnova riverbranĉo Tian'e-zhou estas la sola transloke protektata populacio de jangziaj delfenoj, kiu daŭre kreskas. Kvare, la 25-an de aprilo 2023 la rezervejo realigis eksperimentan remeton de transloke protektataj delfenoj reen al Jangzio, fariĝante la sola rezervejo, kiu establis kompletan fermitan ciklon de loka protektado, transloka protektado, artefarita bredado kaj revenigo al la naturo.

Bredejo, kie oni prizorgas kaptitajn delfenojn. Tie oni ĉefe prizorgas delfenojn vunditajn aŭ kun bebo por ilia protektado, por poste redoni ilin al la naturo.

D-ro Hao Yujiang, help-esploristo ĉe la Instituto de Hidrobiologio de la Ĉina Akademio de Sciencoj, dediĉis pli ol 20 jarojn al esplorado kaj konservado de la jangzia delfeno. Liaj esplorkampoj inkluzivas reproduktan fiziologion, populacian ekologion kaj konservobiologion de etaj delfenoj. Li entreprenis profundajn studojn pri la reproduktaj modeloj de la jangzia delfeno, liverante esencan teknikan subtenon por bredado en kaptiteco kaj konservado de sovaĝaj populacioj. Li publikigis pli ol 80 esplorajn artikolojn en diversaj enlandaj kaj internaciaj akademiaj revuoj.

Vizitantoj konas pri la loka biodiverseco en la naturrezervejo.

Krom esplorlaboro, li aktive partoprenas en praktikaj agadoj por protekti la jangzian delfenon, inkluzive de organizado de trejnadoj pri biologio kaj konservado, kunordigado de projektado por transloka protektado, gvidado de sciencaj enketoj, kaj partopreno en habitata protektado kaj rezerveja planado. Krome, li servas kiel plenuma vic-ĝenerala sekretario de la Fonduso por Konservado de Jangzia Delfeno (wuhan-a sekcio), membro de la Ĉina Komitato de Profesiaj Akvarioj, kaj membro de la Kunligita Planado por Konservado de Jangzia Delfeno.

Raportis: Rafael Henrique Zerbetto

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat