La 26-an de majo 2025 forpasis en Jiangsu-provinco la veterana ĉina Esperanto-tradukisto Wang Chongfang. La estimata sinjoro naskiĝis en 1936 kaj esperantistiĝis en 1953. Dumvive li klopodis por edukado kaj Esperanta tradukado. Li kompilis du grandajn vortarojn ĉin-Esperantan kaj Esperanto-ĉinan, kaj esperantigis klasikaĵojn kiel Dao De Jing de Laŭzi, Analektoj de Konfuceo kaj aliaj. Li estis konsilanto de la Ĉina Esperanto-Ligo, vicprezidanto de Jiangsu-a Esperanto-Asocio kaj honora prezidanto de Zhenjiang-a Esperanto-Asocio. Lia forpaso estas grava perdo por la ĉina esperantujo. Funebrante lin, ĉinaj esperantistoj heredos lian spiriton kaj daŭre antaŭenigos la ĉinan Esperanto-movadon.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat