de Li Yang

2025 estas 8-jariĝo de la Shaanxi-a Liberkomerca Zono. Dum la pasintaj 8 jaroj, sekvante la politikojn de Ĉinio, la zono insistis pri altnivela pordmalfermo kiel gvidilo kaj institucia novigo kiel kerno, koncentrante al investado kaj komerc-faciligo, transformado de registaraj funkcioj, konstruado de malfermaj kanaloj, profunda integriĝo por "La Zono kaj Vojo" kaj disvolvado de la tuta industria ĉeno. Ĝiaj 38 instituciaj novigaj atingoj estis diskonigitaj tutlande, kaj 106 estisdiskonigitaj en la provinco, kio malfermis novan vojon por Shaanxi.

La eksterlanda merkato ĉiam ŝanĝiĝas, kaj kapti ŝancojn estas ŝlosila afero. En 2024, la zono novigis la sistemon de kompleta kunligo de modaloj pri kargo-eksportado, realigis sistemon de "sekureca inspektado, zon-havena kunago kaj rekta ŝarĝigo post alveno al la haveno", kaj la eksport-dogana tempo reduktiĝis de 1.6 horoj al 0.8 horo, ŝparante al entreprenoj ĉirkaŭ 30 milionojn da juanoj ĉiujare en loĝistikaj kostoj. Koncentrante pri plibonigo de la efikeco de internacia komerco kaj enir-elir-servoj, la zono daŭre faras novigan praktikon. Samtempe, xi'an-a dogano daŭre konstruas saĝan doganan sistemon por xi'an-a haveno, aktive efektivigas novigon en la superrigarda sistemo, kaj diskonigas la sistemon de"fervoja transporta manifesta adicio" tutlande.

En marto 2024, la zono plie progresis. La altgradigo de malfermitaj kanaloj kiel la ĉin-eŭropa kargotrajno estas viveca praktiko de la zono. Ekde 2013, sur la itinero el Shaanxi ekveturis pli ol 26 mil tiaj trajnoj, okupante ĉirkaŭ kvaronon de la totalo de la lando. Entute estis 18 malfermitaj internaciaj ĉeflinioj kaj 26 muntoĉenoj "+ okcidenta eŭropo", kovrante la tutan eŭrazian kontinenton.

Samtempe, shaanxi-a agrikulturo fariĝis pli intenacia. Specialaj agrikulturaj produktoj kiel luochuan-aj pomoj, fuping-aj sekigitaj persimonoj kaj shangluo-aj orelfungoj estas vendataj al la tuta mondo. En 2024, la eksportado de agrikulturaj produktoj de Shaanxi atingis 6.59 miliardojn da juanoj, kun pliiĝo de pli ol 30% dum multaj sinsekvaj jaroj. La eksporto de piroj, pomoj kaj aktinidioj de Shaanxi okupis la tri plej altajn lokojn de la nacia rango. La kunveno pri moderna agrikultura disvolvado de Ŝanhaja Kunlabora Organizo okazis en Shaanxi, establante novan mekanismon por internaciaj agrikulturaj kunlaboroj kaj interŝanĝoj. La zono en Yangling-regiono faris 68-fojajn trejnadojn pri agrikulturo por pli ol 2 200 homoj.

En 2024, Ĉinio fariĝis la unua lando en la mondo, kiu atingis jaran produktad-kapaciton de 10 milionoj da novenergiaj veturiloj. Shaanxi kaptis la historian ŝancon de elektrigo kaj saĝiĝo de veturiloj. Ĝis 2024, novenergiaj veturiloj konsistigis pli ol 60% de la totalaj aŭtomobilaj eksportaĵoj de Shaanxi. De 2017 ĝis 2024, la nombro de eksportoj de novenergiaj veturiloj kreskis de 121 ĝis 150 mil, kaj la komerca valoro pliiĝis de 20 milionoj da juanoj ĝis 19.87 miliardoj da juanoj.

La "pozitivaj efikoj" de ekonomia tutmondiĝo alportita de la zono ankaŭ utilas por popola vivo. Danke al la "tutĉena cifereca sistemo por internacia poŝtado" antaŭenigita de Xi'an-a Dogano, la popolanoj pli kaj pli ofte kaj facile butikumas internacie. Lastatempe oni determinis la lokon de la senimposta butiko en Xi'an, kio multe faciligos al turistoj ĝui senimpostan butikumadon.

Hodiaŭ, la ekstera komerco de Shaanxi estas efika kaj oportuna, kaj novaj industrioj kolektiĝas kaj prosperas. La ĉin-eŭropaj kargotrajnoj funkcias senhalte por la nova malfermo de Shaanxi al la ekstera mondo. La pli oportuna "China Travel" plioftigas la kulturajn kaj ekonomiajn interŝanĝojn inter Shaanxi kaj la mondo.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat