Vestaĵoj kun tradiciaj ĉinaj elementoj, reprezentataj de la nomo "novĉinstila" vestaĵo, estas tre popularaj inter konsumantoj. Fakte, ne ekzistas preciza difino de la tiel nomata "novĉinstilo". En la okuloj de junaj konsumantoj, ĝi inkluzivas vestaĵojn, kiuj kombinas tradiciajn ĉinajn elementojn kun ecoj de moderna estetiko.

Kial tia vestaĵo estas tiel populara? Antaŭ ĉio, ĝiaj valoroj de estetikeco kaj tradicia kulturo estas alte taksataj de homoj. Sekve, ĝi kombinas tradiciajn kaj modernajn elementojn, kio kongruas kun la serĉado de individua beleco por nunaj gejunuloj. Krome, pli kaj pli da homoj deziras esprimi sin per tradicia kulturo. Ili portas "novĉinstilajn" vestaĵojn por akiri individuan kaj kulturan identecon.

Krom vestaĵo, "novĉinstilo" ankaŭ influas en la kampoj de manĝaĵo, turismo kaj homaranĝo. Estas kredinde, ke "novĉinstilo" fariĝos longtempa estetika tendenco de multaj ĉinaj konsumantoj.

Redaktoro: Sheng Min

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat