La 1an de novembro organizanto de la 5a Ĉina Internacia Importa Ekspozicio (ĈIIE) diris, ke reprezentantoj el entute 145 landoj, regionoj kaj internaciaj organizoj partoprenos la 5an ĈIIE en Ŝanhajo.

Sun Chenghai, vicdirektoro de ĈIIE-buroo, diris en gazetara konferenco, ke 284 industri-gvidaj entreprenoj, inkluzive de iuj el la plej bonaj 500 kompanioj de la mondo, partoprenos ĉi-jaran ĈIIE.

Novaj ekspozici-zonoj estos malfermitaj ĉi-jare por prezenti kultivaĵajn semojn kaj artefaritan intelekton, kaj centoj da novaj produktoj en konsumo, agrikulturo, teknologio kaj servo debutos ĉi-jare.

La Raporto pri Monda Malfermo 2022 estos publikigita en la Hongqiao-a Internacia Ekonomia Forumo -- flanka evento de ĈIIE. Laŭ Sun, ĉi-jara forumo havos pli ol 20 subforumojn.

La kvina ĈIIE okazos en Ŝanhajo de la 5-a ĝis la 10-a de novembro. Kiel la monde unua naci-nivela ekspozicio kun la temo de importado, ĈIIE okazas en Ŝanhajo ĉiujare ekde 2018.

Redaktoro: Liu Zijia

Facebook: Ĉina Fokuso / China Focus - Esperanto  Mojosa Ĉinio

Twitter: El Popola Chinio
WeChat: Skani la du-dimensian kodon por legi EPĈ en WeChat