| Ekfloras mirinda planto |
| 2022-07-28 |
Gigantaj amorfofaloj floranta (dekstre) kaj floronta (maldekstre)
Oni mezuras la altecon de giganta amorfofalo. 10 jarojn post kiam la gigantaj amorfofaloj estis enkondukitaj al la Ĉina Nacia Botanika Ĝardeno, tri el ili ekfloris. La planto nur floras tri aŭ kvar foje dum sia vivo, kaj periodo de la florado daŭras nur 48 horojn. Laŭ dokumento, tra la mondo estas nur 100 registroj pri florado de artefarita giganta amorfofalo. Floranta giganta amorfofalo
Ina floro de giganta amorfofalo La planto estas indiĝena en la tropika pluvarbaro de Sumatro, Indonezio, kaj estis unuafoje malkovrita en la 19-a jarcento. La planto havas tre striktajn postulojn pri la medio. La taŭga temperaturo estas inter 26 kaj 28 celsiaj gradoj, kaj la humideco devas esti super 80%. Artefarita amorfofalo alfrontas defion, ĉar estas malfacile garantii la stabilecon de la medio. Laŭ konigo, 7 ĝis 10 jaroj estas bezonataj de semado al ĝia unua florado. Pro tio, ĝia ĉiufoja florado estas traktata kiel grava afero.
Oni kolektas polenon de giganta amorfofalo. Samtempa florado de tri amorfofaloj signifas progreson de la parko en protektado, esplorado kaj kulturado de plantoj ekster siaj hejmlokoj. Laŭ informoj, krom giganta amorfofalo, ankaŭ aliaj pli ol 1 000 endanĝerigitaj plantoj estas kulturataj en la parko kaj estos eksponataj al la publiko en taŭga momento.
Redaktoro: Gao Shuyuan Facebook: Ĉina Fokuso / China Focus - Esperanto Mojosa Ĉinio
|
