| Dinosaǔroj postvivis amasan formorton pro siaj plumoj |
| 2022-07-15 |
Dinosaǔroj ne estis senharaj kaj denaske havis plumojn. La plumoj helpis dinosaǔrojn postvivi la tutmondan malvarmegon, kio kaǔzis amasan formorton de bestoj antaǔ 200 milionoj da jaroj, kaj ili fariĝis dominantoj en ĵurasio.
La amasa formorto en triaso estas unu el la kvin amasaj formortoj en la geologia historio. Tiam aktivis vulkanoj, kaj cindro kovris la ĉielon. En la sekvaj kelkaj ĝis kelkdek jaroj la temperaturo abrupte malaltiĝis, rapide malaperis la bestoj, kiuj ne povis adaptiĝi al la malvarmego. Lastatempe, sciencista grupo el ĉinaj kaj usonaj membroj trovis bone konservatajn piedsign-fosiliojn en Junggar-baseno de Xinjiang-a Ujgura Aŭtonoma Regiono de Ĉinio. Antaǔ 200 milionoj da jaroj, la praa latitudo de la regiono estis je 71 gradoj de la norda latitudo. Tio signifas, ke tiamaj dinosaǔroj jam havis kompletan kontraǔfrostan kapablon por travivi en malvarmega polusa regiono.
Laǔ la analizo pri nunaj fosilioj fare de sciencistoj, la formo de dinosaǔraj plumoj ne estis taǔga por flugado, kaj la plejebla celo estas konservi varmon. Do, ĝuste pro tio, dinosaǔroj postvivis tiaman katastrofon. Rilataj rezultoj jam estis publikigitaj en la internacia periodaĵo Science Advances. Redaktoro: Xie Ruifeng Facebook: Ĉina Fokuso / China Focus - Esperanto Mojosa Ĉinio
|
