Ĉefpaĝo | E-novaĵoj | Aktuala temo | Socia Vivo | Ekonomio | Naturo kaj Mediprotekto | Kulturo,Scienco kaj Sporto | Vojaĝo tra Ĉinio
Novaj libroj eldonitaj de ĈIEG por Vintraj Olimpikoj
2022-01-07


La 5-an de januaro, okaze de la 30-taga retrokalkulo de la Pekinaj Vintraj Olimpikoj, la Ĉina Internacia Eldona Grupo (ĈIEG) okazigis ceremonion pri interreta publikigo de novaj libroj por la Vintraj Olimpikoj 2022. Lu Cairong, vicprezidanto de ĈIEG, ĉeestis la ceremonion kaj faris salutparolon. Liu Dawei, vicprezidanto de ĈIEG, prezidis la eventon.


Por bonvenigi la Vintrajn Olimpikojn, eldonejoj el ĈIEG eldonis 24 librojn en la lingvoj ĉina kaj angla, inter ili estas la angla versio de la libro Celebrado sur Glacio kaj Neĝo -- Gvidlibro de Pekinaj Vintraj Olimpikoj kaj Paralimpikoj 2022, libroserio por diskonigi sciojn pri la Vintraj Olimpikoj al adoleskantoj, kompilita de vintrolimpika ĉampiono, vintrolimpika arbitraciisto kaj rilataj fakuloj, kaj aliaj libroserioj pri la Olimpikoj. Ili panorame prezentas la olimpikan organizadon, popolan partoprenon kaj administradon de olimpikaj heredaĵoj, kaj estos vendataj en olimpikaj vilaĝoj kaj sportejoj.


Redaktoro: Xie Ruifeng





Facebook: Ĉina Fokuso / China Focus - Esperanto  Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat



(C) China Internet Information Center (Ĉina Interreta Informa Centro)
Retpoŝto: elpopolachinio@126.com    Telefono: +86-10-68995930, 68327167    Adr.: P.O.Kesto 77, Beijing CN-100037, Ĉinio