| Provprocezo por olimpika vilaĝo |
| 2021-11-23 |
Antaǔtagmeze de la 20-a de novembro 43 "delegacioj" kaj unu "observantaro" ricevis kontrolojn de identeco, korpa temperaturo kaj sekureco en la akceptejo de la olimpika vilaĝo de la Pekinaj Vintraj Olimpikoj kaj Paralimpikoj. Tio komencis la provprocezon de la olimpika vilaĝo. Dume oni provos la registradon de delegacioj, servojn al loĝantoj, certigon de manĝado, kolektadon de nukleacidaj testoj ktp.
La vilaĝo funkcios kiel "hejmo" de sportistoj kaj teamaj oficialuloj. Krom bonkvalitaj kondiĉoj por loĝado kaj manĝado, ĝi provizos servojn pri medicino, veturado, ekzercado, distrado, aĉetado kaj aliaj. La olimpika vilaĝo situas sude de la Pekina Olimpika Parko. Sur la loko de 23.6 hektaroj, estas 20 loĝdomoj, unu administr-zono kaj unu placo kun la areo de 38.66 kvadrataj metroj. Redaktoro: Xie Ruifeng Facebook: Ĉina Fokuso / China Focus - Esperanto Mojosa Ĉinio
|
