| Ortodoksa katedralo de Sankta Sofia en Harbino |
| 2021-09-17 |
La ortodoksa katedralo de Sankta Sofia en la urbo Harbino, nordorienta Ĉinio, estis konstruita en 1907, post la finkonstruo de la Trans-siberia Fervojo, kiu kunligis Harbinon al Rusio. De 1923 ĝis 1932, la katedralo estis pligrandigita kaj renovigita, akirinte la saman aspekton, kiun ĝi havas nuntempe. En 1996, la katedralo fariĝis la nacia kultura heredaĵo de Ĉinio. Ĝi estis renovigita kaj malfermiĝis al la publiko en la sekva jaro kiel muzeo pri arkitekturo, kiu prezentas la disvolvadon de arkitekturo en Harbino. La renovigo de tiu historia katedralo estis gravega projekto kadre de strategio de la harbina registaro pri renovigo de historiaj konstruaĵoj por disvolvi la lokan turismon.
Pro sia arkitekturo, la katedralo allogas multajn turistojn.
Detalo de unu el la muroj de la katedralo
La katedralo spegulita de la antaŭa konstruaĵo
Kruco sur la ĉefa kupolo de la katedralo
Sonoriloj de la katedralo Raportis kaj fotis: Rafael Henrique Zerbetto Facebook: Ĉina Fokuso / China Focus - Esperanto Mojosa Ĉinio
|
