| Kiel robotoj funkcias en kirurgia operacio? |
| 2021-09-14 |
Lastatempe en Pekino okazis la Monda Robot-konferenco 2021. Roboto por kirurgia operacio altiris multajn atentojn. "Robotoj por ortopedia kirurgio povas helpi kuracistojn pliigi precizecon kaj redukti radiadon al kuracistoj kaj pacientoj." Diris Liu Tiechang, direktoro de la centro pri esploro kaj disvolvo sub la medicin-teknologia kompanio Tianzhihang en Pekino. En ortopedia kirurgio, kuracisto skanas la korpon de la paciento kaj sendas rilatajn informojn en komputilon. En la bildoj sintezitaj per la komputilo, oni povas vidi ostojn, nervojn, sangovaskulojn kaj aliajn histojn de la paciento. La roboto povas precize moviĝi al la celita pozicio per navigado kaj robotbrakoj. Eraroj okazas submilimetre. La hospitalo Haidian en Pekino enkondukis robotojn por ortopediaj kirurgiaj operacioj en majo de 2020. Ĝis la fino de aŭgusto 2021, la robotoj jam finis pli ol 400 operaciojn. Shi Yan, vicdirektoro de la fako de ortopedio de la hospitalo, diris, ke en iuj operacioj, robotoj povas precize lokalizi la lokon kaj enmeti gvid-pinglon per rizgranda incizo, kaj tiel reduktas sangadon de la paciento kaj realigas minimum-invadan operacion. Fotis Ren Chao, raportisto de la novaĵagentejo Xinhua. Redaktoro: Kang Caiqi Facebook: Ĉina Fokuso / China Focus - Esperanto Mojosa Ĉinio
|
