| Iama fiŝkaptisto sin dediĉas al purigado de Jangzio |
| 2021-04-13 |
Chen Hualin, fiŝkaptisto de la urbo Yichang, la provinco Hubei, diris al raportisto, ke pro poluado kaj troa fiŝkaptado, fiŝoj en Jangzio draste reduktiĝis kaj la normala ĉiutaga kaptaĵo apenaŭ povas vivteni lokajn fiŝkaptistojn. Kvankam la lando anoncis, ke la 10-jara fiŝkapta malpermeso en ŝlosilaj lokoj de Jangzio por protekti biodiversecon devus komenciĝi plej malfrue en januaro 2021, tamen la urbo Yichang pli frue efektivigis la malpermeson. De tiam la vivo de Chen multe ŝanĝiĝis: helpata de la registaro, Chen starigis sian propran firmaon, kiu uzas ŝipojn por translokigi rubaĵojn kaj kloakaĵojn al rubaĵ-kolektejo. En unu monato li povas kolekti 180 tunojn da rubo kaj enspezi averaĝe 70 000 juanojn (= 10 690 usonaj dolaroj). Chen malkovris, ke tiel li ne nur protektas la akvon de Jangzio, sed ankaŭ multe plibonigas siajn proprajn vivkondiĉojn.
Tradukis: Rafael Henrique Zerbetto Fonto: Global Times Facebook: Ĉina Fokuso / China Focus - Esperanto Mojosa Ĉinio
|
