| Kafejo mastrumata de mensmalsanuloj |
| 2020-12-10 |
En la Centro de Mens-Sano de la distrikto Yangpu de Ŝanhajo estas kafejo. La kafistoj Chaochao kaj Muzhi estis pacientoj kuracitaj en la centro. Antaŭ eklaboro ili akceptis ses-semajnan profesian trejnadon. Nun ili lerte mastrumas la kafejon. La kafejo estas trejn-platformo de la ŝanhaja institucio "Suno en Koro", kiu donas al kronikaj menspacientoj vartadon, psikologian konsiladon kaj trejnadon por ke ili adaptiĝu al la socio. "Mensmalsanuloj resaniĝas kaj povas eklabori, tamen ili bezonas lokon por starigi memfidon kaj integriĝi en la socion," diris kuracisto Chen You. En laboro la kafistoj iom post iom reakiras memfidon. "Mi denove povas labori kun aliaj." Chaochao diris. Lastatempe iuj kafejoj kontaktis la centron kaj volis dungi la homojn, kiuj resaniĝis.
La kafejo. Fotis Wang Xiang, raportisto de la novaĵagentejo Xinhua.
La 3an de decembro kafisto Muzhi preparis kafon. Fotis Wang Xiang, raportisto de la novaĵagentejo Xinhua. Redakoro: Kang Caiqi Facebook: Ĉina Fokuso / China Focus - Esperanto Mojosa Ĉinio
|
