Ĉefpaĝo | E-novaĵoj | Aktuala temo | Socia Vivo | Ekonomio | Naturo kaj Mediprotekto | Kulturo,Scienco kaj Sporto | Vojaĝo tra Ĉinio
Ĉina mediprotekto: jam de 11 jaroj ne okazas ŝtelĉasado en Hoh Xil
2020-08-05

Dank' al la daǔra agado kontraǔ ŝtelĉasado kaj agadoj por mediprotektado, en Hoh Xil, monda natura heredaĵo kaj "surtera paradizo", ne aŭdiĝas pafoj de ŝtelĉasistoj dum 11 jaroj. Tie tibetaj antilopoj kaj aliaj sovaĝaj bestoj trankvile kaj libere vivas kaj naskas siajn idojn, kaj ili fariĝis belaj pejzaĝoj sur la Qinghai-Tibeta Altebenaĵo.


Hoh Xil situas en la Qinghai-Tibeta Altebenaĵo kaj estas grava rezervejo de tibetaj antilopoj, ŝtata unuagrada protektata besto de Ĉinio. En la 1980-aj jaroj, krimuloj kontraǔleĝe ĉasis tibetajn antilopojn, sekve ilia nombro malkreskis de 200 mil al malpli ol 20 mil. Dum plurjara protektado fare de diversaj flankoj, nun tie vivas pli ol 70 mil tibetaj antilopoj.


"De 2009 ĝis nun, en Hoh Xil, vasta je 45 mil kvadrataj kilometroj, ne plu okazas ŝtelĉasado." Tion diris direktoro de la administrejo de Hoh Xil sub la Administracio de Ŝtataj Parkoj en Regiono de Fontoj de Tri Riveroj. Ĉiujare oni faras almenaŭ 12 grandskalajn patroladojn. "Nun 'gardi Hoh Xil per pugnoj' jam fariĝis historio, estonte, ĝi ludos pli gravan rolon en ekologia edukado, scienca esplorado kaj aliaj kampoj."








Jen tibetaj antilopoj en Hoh Xil


Redaktoro: Xie Ruifeng





Facebook: Ĉina Fokuso / China Focus - Esperanto  Mojosa Ĉinio
Twitter: 
El Popola Chinio
WeChat: Skani la du-dimensian kodon por legi EPĈ en WeChat


(C) China Internet Information Center (Ĉina Interreta Informa Centro)
Retpoŝto: elpopolachinio@126.com    Telefono: +86-10-68995930, 68327167    Adr.: P.O.Kesto 77, Beijing CN-100037, Ĉinio