Ĉefpaĝo | E-novaĵoj | Aktuala temo | Socia Vivo | Ekonomio | Naturo kaj Mediprotekto | Kulturo,Scienco kaj Sporto | Vojaĝo tra Ĉinio
Nur 16 minutoj! Eŭropaj esploristoj ellaboris aparaton por rapida testo pri la nova koronviruso
2020-07-10

Rapida testo estas tre grava por regi la propagiĝon de la nova koronviruso. Germana universitato Bielefeld publikigis raporton, ke ĝiaj esploristoj, kune kun partneroj, ellaboris aparaton por rapida testo pri la nova koronviruso. La tuta testo postulas nur 16 minutojn kaj estas malmulte kosta kompare kun tiu per nunaj aparatoj.


Nun la ofte uzataj rimedoj estas kontroli la genetikan materialon de la viruso, sed tiaj materialoj, kolektitaj el buŝo kaj nazo estas malmultaj, oni devas multobligi ilin por la testo. Tiu procezo postulas temperaturan aranĝon per termo-cirkuligilo.


Laŭ la raporto, la esploristoj uzis la cirkuligilon NEXTGENPCR, farita de iu nederlanda firmao. Uzante tiun cirkuligilon, ili ellaboris novan aparaton, kiu povas samtempe analizi multajn specimenojn kaj doni rezultojn samajn kiel tiuj de tradiciaj test-aparatoj, kaj plenumi testadon en malmulte da tempo -- nur 16 minutoj! Cetere la kosto estas malalta.


Redaktoro: Xie Ruifeng




Facebook: Ĉina Fokuso / China Focus - Esperanto  Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat


(C) China Internet Information Center (Ĉina Interreta Informa Centro)
Retpoŝto: elpopolachinio@126.com    Telefono: +86-10-68995930, 68327167    Adr.: P.O.Kesto 77, Beijing CN-100037, Ĉinio