| Xi Jinping donis gravajn instrukciojn pri konstruado de liberkomerca haveno de Hainan |
| 2020-06-02 |
Lastatempe ĉina prezidanto Xi Jinping donis gravajn instrukciojn pri konstruado de la liberkomerca haveno de Hainan. Li diris, ke konstruado de la liberkomerca haveno en Hainan-provinco estas grava strategia decido de la Komunista Partio de Ĉinio por antaŭenpuŝi novigan disvolvadon de socialismo kun ĉinaj trajtoj, kaj ankaŭ grava paŝo de Ĉinio en reformo kaj malfermo en la nova epoko. Xi, ankaŭ ĝenerala sekretario de la Centra Komitato de la Komunista Partio de Ĉinio kaj prezidanto de la Centra Milita Komisiono, substrekis, ke la provinco Hainan devas aktive kaj kuraĝe efektivigi la politikojn kaj firmigi bazon de la konstruado de liberkomerca haveno. La centra registaro subtenos reformon kaj novigon de la provinco kaj antaŭenigos novan disvolvadon de la liberkomerca haveno. La liberkomerca haveno de Hainan kovras la tutan insulon Hainan. En 2025 unuapaŝe establiĝos sistemo de liberkomerca haveno kun faciligo de liberaj komerco kaj investo, kaj en 2035 la liberkomerca haveno de Hainan fariĝos nova altaĵo de malferma ekonomio. El ĈRI Redaktoro: Liu Zijia Facebook: Ĉina Fokuso / China Focus - Esperanto Mojosa Ĉinio
|
