| Armea medicina teamo retiriĝis el Wuhan |
| 2020-04-20 |
Aprobite de Xi Jinping, prezidanto de la Centra Milita Komisiono de Ĉinio, medicina teamo el la ĉina armeo, kiu plenumis kuracadon kaj savadon de konfirmitaj malsanuloj en tri hospitaloj en Wuhan, t.e. la Hospitalo Huoshenshan, la Hospitalo Taikang-Tongji kaj Guanggu-distrikta Filio de la Hubei-a Hospitalo por Virinoj kaj Infanoj, sinsekve retiriĝis el Wuhan per ĉartita aviadilo kaj trajno. La 15an de aprilo oficiale fermiĝis la Hospitalo Huoshenshan. Antaŭtagmeze de la 16-a de aprilo, la lasta grupo de la medicina teamo finis sian taskon kaj foriris de la Tianhe-a Flughaveno en Wuhan. Ekde la 24-a de januaro, pli ol 4 000 medicinistoj en tri grupoj el la terarmeo, mararmeo kaj aerarmeo helpis Wuhan en la batalo kontraŭ la epidemio. La medicina teamo estis sendita al tri hospitaloj. Ili liveris 2 856 litojn kaj kuracis entute 7 198 konfirmitajn malsanulojn. Ili bone plenumis siajn taskojn kaj efektivigis la celon "triumfi sen infektiĝo". Redaktoro: Liu Zijia Facebook: Ĉina Fokuso / China Focus - Esperanto Mojosa Ĉinio
|
