| Ĉiutage 2 000-3 000 pasaĝeroj flugas al Ĉinio |
| 2020-04-17 |
La 15an de aprilo la Civila Aviada Administracio de Ĉinio deklaris, ke ekde rearanĝo de internaciaj flugoj, la ĉiutaga nombro de pasaĝeroj enirantaj en Ĉinion kalkuliĝas al 2 000-3 000. Laŭ statistiko, ĝis la 14a de aprilo 35 ĉinaj kaj eksterlandaj flugkompanioj plenumis 250 flugojn normalajn kaj ĉartitajn el Japanio, Sud-Koreio, Usono, Kanado kaj aliaj 25 landoj kaj transportis 50 306 pasaĝerojn al Ĉinio.
Krome, post eksplodo de la epidemio la administracio aranĝis provizorajn flugojn (ĉartitajn) por hejmenrevenigi ĉinajn civitanojn el landoj severe trafitaj de la epidemio. De la 4a de marto ĝis la 12a de aprilo 16 flugoj estis aranĝitaj kaj 2 744 ĉinoj, inkluzive de 1 449 ĉinaj lernantoj, el Irano, Italio, Britio, Usono kaj Hispanio revenis al Ĉinio. Redaktoro: Liu Zijia Facebook: Ĉina Fokuso / China Focus - Esperanto Mojosa Ĉinio
|
