| Resaniĝis la unuaj 23 pacientoj de la unua ĉin-medicina portempa hospitalo en Wuhan |
| 2020-03-02 |
La 26-an de februaro, resaniĝintoj foriris de la hospitalo. La 26-an de februaro, resaniĝis kaj elhospitaliĝis la unuaj pacientoj, entute 23 homoj, de la unua ĉin-medicina portempa hospitalo en Wuhan. La hospitalo, kiu estas en Dahuashan-a Sporta Centro en Jiangxia-distrikto de Wuhan, havas centojn da kuracistoj kaj flegistoj el 20 ĉin-medicinaj hospitaloj de kvin provincoj kaj estas subtenata de la Ĉin-medicina Hospitalo en Jiangxia-distrikto. Krom kuracado per medikamentoj, la hospitalo uzas aliajn kurac-rimedojn, kiel korpoekzercado de malsanuloj, masaĝo kaj akupunkturo. Liu Qingquan, estro de Pekina Hospitalo de Tradicia Ĉina Medicino kaj tiu de la portempa hospitalo, diris, ke la hospitalo ĉefe uzas la tradician ĉinan medicinon surbaze de kunigo de ĉina kaj okcidenta medicinoj, dum aliaj portempaj hospitaloj -- la okcidentan. Redaktoro: Gao Shuyuan Facebook: Ĉina Fokuso / China Focus - Esperanto Mojosa Ĉinio
|
