Lasttempe la Ĉina Esperanto-Ligo kaj la redakcio de El Popola Ĉinio ricevis multajn mesaĝojn el diversaj landoj. En tiuj mesaĝoj niaj amikoj esprimis sian zorgeman atenton kaj sinceran saluton al ĉinaj esperantistoj. Jen mesaĝo de Ilia Sumilfia Dewi，prezidanto de Indonezia Esperanto-Asocio:

Saluton, Feliĉan Novjaron!

Antaŭ la fino de januaro, ni aŭdis kaj legis la ŝokitan novaĵon el Ĉinio. Bedaŭrinde ke tiu estas malĝoja novaĵo pro la epidemio de pneŭmonio kaŭzita de la nova koronaria viruso. Ni, la membroj de Indonezia Esperanto-Asocio estas kun vi en tiu ĉi malfacila situacio.

En la proksima tempo, ni kredas ke ĉina registaro kaj ĉiuj popoloj speciale esperantistoj kiuj loĝas en la urbo Wuhan venkos la batalon kontraŭ la epidemio. Ni esperas ke la malsanuloj infektitaj baldaŭ resaniĝos kaj ĉio revenos al la normala vivo en belaj tagoj.

Elkore ni deziras sanon, kuraĝon kaj feliĉon al vi!

Ni sopiras denove renkonti vin en esperantujo.

Sincere,

Ilia Sumilfia Dewi

Prezidanto de IEA

Facebook: Ĉina Fokuso / China Focus - Esperanto  Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat