Ĉefpaĝo | E-novaĵoj | Aktuala temo | Socia Vivo | Ekonomio | Naturo kaj Mediprotekto | Kulturo,Scienco kaj Sporto | Vojaĝo tra Ĉinio
La montaro Qilian post neĝado
2019-10-08

La 6-an de oktobro, pro la malvarma fluo la unua neĝo en la kuranta jaro falis ĉirkaŭ la montaro Qilian en la urbo Zhangye de la provinco Gansu, nordokcidenta Ĉinio. Post la neĝado, la tuta montaro kaj la apuda herbejo blankiĝis kaj aspektis kiel bela pentraĵo. 





La montaro Qilian troviĝas ĉe la limo inter la nordorienta parto de Qinghai-provinco kaj la okcidenta parto de Gansu-provinco. Ĝi, unu el la ĉefaj montaroj de Ĉinio, konsistas el pluraj nordokcident-sudorientaj paralelaj montoj kaj larĝaj valoj. Pro la multspecaj kaj bonkvalitaj mineralaj resursoj, la montaro Qilian estas konata kiel "monto kun miloj da trezoroj". La malvarma kaj humida klimato en la montaro estas taŭga por kreskado de herboj. En la loko kun la altitudo de pli ol 2 800 metroj estas distribuitaj grandaj herbejoj, kiuj helpas la disvolvadon de tiea brut-bredado. 


Redaktoro: Kang Caiqi 


FacebookĈina Fokuso / China Focus - Esperanto  Mojosa Ĉinio
Twitter: El Popola Chinio
WeChat: Skani la du-dimensian kodon por legi EPĈ en WeChat


(C) China Internet Information Center (Ĉina Interreta Informa Centro)
Retpoŝto: elpc@vip.163.com    Telefono: +86-10-68995930, 68327167    Adr.: P.O.Kesto 77, Beijing CN-100037, Ĉinio