| Usono kaj Belorusio denove sendos unu al la alia ambasadorojn |
| 2019-09-20 |
Strato de Minsko La 17an de septembro David Hale, ŝtata vicsekretario de Usono, konfirmis, ke Usono kaj Belorusio denove sendos unu al la alia ambasadorojn. Tio estas la unua fojo por la du landoj reciproke akcepti ambasadorojn post ĉirkaŭ 10 jaroj. Hale faris viziton en Minsko, ĉefurbo de Belorusio kaj intervidiĝis kun belorusa prezidento Alexander Lukashenko. Hale diris, ke Usono firme subtenas suverenecon kaj sendependecon de Belorusio, kaj li konfirmis, ke Usono sendos al Belorusio ambasadoron, kaj la alia flanko faros la samon. Belorusa amaskomunikilo Belarus.by raportis, citante la vortojn de Hale, ke la reciproka sendo de ambasadoroj signifas "historian" repliboniĝon de ambaŭflankaj rilatoj. Redaktoro: Xie Ruifeng Facebook: Ĉina Fokuso / China Focus - Esperanto Mojosa Ĉinio
|
