| Libera kurso "Fumado kaj dependecoj" estas senpage disponebla ĉe edukado.net! |
| 2019-09-12 |
Katalin Kováts, redaktisto de edukado.net, antaŭ ne longe informis la registritajn uzantojn de la sekcio Liberaj Studoj de la Klerigejo de edukado.net pri aldono de la temo “Fumado kaj dependecoj” al la subsekcio Medicino, psikologio kaj sano. La aŭtoro de la nova kurso estas Margaret Zaleski-Zamenhof, kiu pri tiu temo gvidis atelieron dum la 104a UK en Finnlando, kaj poste donis intervjuon al la kunlaborantoj de Kern.Punkto. En la Klerigejo oni povas trovi ligon al la elŝutebla radio-intervjuo kaj la prezentaĵon, kiun Margaret uzis dum la ateliero. Ankaŭ testo estis aldonita al la materialo. Se vi havas demandojn pri la temo, volas scii, kiel forlasi la fumadon aŭ aliajn dependecojn, vi povas lasi demandon en la forumo de edukado.net, kie Margaret respondos al vi. https://edukado.net/komunumo/forumo?f=762 Nun estas en la kolekto 10 kursoj kun ĉ. 45 lecionoj. Vi estas bonvena studi kaj trapasi testojn. Se vi havas sugeston pri alŝutenda prelego aŭ aliaj materialoj, vi povas lasi mesaĝon pri tio en la koncerna forumo: http://edukado.net/komunumo/forumo?k=40 Jen la ligilo al la ĉapitro pri Fumado: https://edukado.net/klerigejo/10?m=superrigardo&id=35 Redaktis Rafael Henrique Zerbetto El edukado.net Facebook: Ĉina Fokuso / China Focus - Esperanto Mojosa Ĉinio
|
