Monda Komerca Organizo reduktegis antaŭvidon pri ĉijara monda komerca kresko |
2019-04-04 |
En la 2a de aprilo, Monda Komerca Organizo (MKO) publikigis la novan raporton Datumaro kaj Perspektivo de Tutmonda Komerco, kiu reduktegis antaŭvidon pri ĉijara monda komerca kresko de 3.7% al 2.6%. MKO diris, ke pro faktoroj kiel kresko de komercaj konfliktoj kaj ekonomia necerteco, monda komerco kreskis je 3% en 2018, multe malpli ol la antaŭvidita. Kresko de tutmonda komerco ankoraŭ alfrontos premon en tiu ĉi kaj la venonta jaroj. La ĝenerala direktoro de MKO, Roberto Azevêdo, klarigis, ke en la nuna komerca stato, neniu surpriziĝas pri la reduktiĝo. Li esprimis, ke la monda ekonomio havas diversajn defiojn, do estas urĝa tasko solvi nunajn komercajn konfliktojn kaj garantii la pozitivan tendencon de komerca kresko en estonteco. MKO ankaŭ esprimis, ke se komerca konflikto estonte malstreĉiĝos, la monda komerca kresko espereble altiĝos al 3% en 2020. Redaktoro: Zhao Wenqi Ipernity: El Popola Chinio Facebook: EPC El Popola Chinio Twitter: El Popola Chinio WeChat: Skani la du-dimensian kodon por legi EPĈ en WeChat |