En la 6-a de majo 2017 en la Zaozhuang-a Universitato okazis la kunveno pri la lernolibro Bazo de Esperanto. La libro estas kompilita de s-ro Semio, vicĝenerala sekretario de ĈEL kaj respondeculo de la Esperanto-Muzeo en la Zaozhuang-a Universitato kaj s-ino Li Hui, instruistino de la universitato. La libro konsistas el 15 lecionoj kaj enhavas pli ol 600 vortojn pri komerco, turismo, interreto, historio, literaturo, medicino kaj aliaj kampoj. Ĝin eldonis la Eldonejo de la Shandong-a Universitato.

    Prezidis la kunvenon prof. d-ro Bak Giwan, fama korea esperantisto, kiu nun instruas en la Zaozhuang-a Universitato. Prof. d-ro Sasaki Teruhiro, eksa prezidanto de KAEM, alte taksis la lernolibron kaj la Esperanto-movadon en la universitato.