La 26-an de aprilo laŭ la loka tempo, la 27-a Internacia Librofoiro de Abudabio malfermiĝis en la Abudabia Nacia Ekspozicia Centro de Unuiĝintaj Arabaj Emirlandoj. En la ekspozicio partoprenas Ĉinio kiel honora gasto. Tiutage Ĉina Internacia Eldona Grupo (ĈIEG) eksportis 121 kopirajtojn kaj okazigis aktivecojn pri kultura interŝanĝo.

    La libroj pri Ĉinio estas ŝatataj de vizitantoj. Du lokaj legantoj aĉetis Libraron de Ĉinaj Klasikaĵoj, kaj unu el ili eĉ aĉetis ĝian tutan kolekton el 37 libroj. Ĉe la budo de ĈIEG, infanoj el la lernejo Himdan ben zayed, la plej granda ĉinlingva lernejo en Abudabio, estis altiritaj de multkoloraj libroj, kaj tuj eklegis ilin. Kelkaj eĉ deziris porti ilin hejmen.