En antikva Ĉinio gruoj estis konsiderataj kiel noblaj kaj bonaŭguraj birdoj kaj inter ili ruĝvertaj gruoj apartenas al unu el la plej valoraj. Laŭraporte nun estas nur pli ol 2 mil ruĝvertaj gruoj en la tuta mondo, kaj ili estas ĉefe koncentritaj en nordorienta Ĉinio, orienta Mongolio, orienta marbordo de Wusuli-rivero en Rusio, Korea Popol-Demokratia Respubliko, Suda Koreio kaj Hokajdo en Japanio. En Zhalong vivas pli ol 400 ruĝvertaj gruoj, kiuj okupas kvinonon de la tuta kvanto de ruĝvertaj gruoj en la mondo.