Ĉefpaĝo | E-novaĵoj | Aktuala temo | Socia Vivo | Ekonomio | Naturo kaj Mediprotekto | Kulturo,Scienco kaj Sporto | Vojaĝo tra Ĉinio
Turisma industrio en Rumanio alvokas al la registaro simpligi viz-procedojn por altiri ĉinajn turistojn
2017-02-20
La rumana ministerio de turismo kaj la nacia asocio de vojaĝ-agentejoj okazigas simpozion por disvolvi la ĉinan merkaton.
 

    La 17-an de februaro la reprezentantoj de la turisma industrio de Rumanio diris, ke malfacilaĵoj en akirado de vizo estas la ĉefa faktoro, kiu limigas la nombron de ĉinaj turistoj en la lando. Ili ankaŭ esprimis esperon, ke la aŭtoritatoj prenos rimedojn por altiri ĉinajn turistojn.

 

    Tiutage la rumana ministerio de turismo kaj la nacia asocio de vojaĝ-agentejoj okazigis simpozion por disvolvi la ĉinan merkaton, kaj ĝin partoprenis dekoj da lokaj vojaĝagentejoj. La partoprenantoj rimarkigis, ke Rumanio estas riĉa en turismaj allogoj, sed pro la problemoj de vizo turistoj el Ĉinio estas tre malmultaj. Ili ankaŭ aldonis, ke la manko de rektaj flugoj estas alia kaŭzo de malmultaj ĉinaj turistoj en Rumanio.

 

    Dum la simpozio lokaj vojaĝ-agentejoj ankaŭ dividis siajn spertojn pri akcepto de ĉinaj turistoj. Nombro da agentejoj diris, ke la akcepto de ĉinaj turistoj postulas plenan preparadon. Problemoj, kiujn kaŭzas diferencoj de kulturo kaj de kutimoj, povas esti solvitaj per ĝusta preparado.

 

Redaktoro: Kang Caiqi

 

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: Skani la du-dimensian kodon por legi EPĈ en WeChat

 

(C) China Internet Information Center (Ĉina Interreta Informa Centro)
Retpoŝto: elpc@vip.163.com    Telefono: +86-10-68995930, 68327167    Adr.: P.O.Kesto 77, Beijing CN-100037, Ĉinio