Laŭ fremdlanda amaskomunikilo, en la urbo Nankino inter la vice starantaj konstruaĵoj faritaj per ŝtalo kaj betono baldaŭ aperos la unuaj "vertikalaj arbaroj" en Azio. Ili ne nur estos aspekte belaj, sed povos produkti 60 kilogramojn da oksigeno ĉiutage.

    Laŭ la usona retejo Boredpanda, la vertikalaj arbaroj en Nankino estas desegnitaj de la itala arkitekto Stefano Boeri. La arbaroj konsistos el alta kaj malalta turoj, kiuj estas altaj respektive je 656 futoj (ĉ. 200 metroj) kaj 354 futoj (108 metroj). Tiuj du turoj fariĝos la unuaj tiu-stilaj konstruaĵoj en Azio, kiam ili estos finkonstruitaj en 2018.