| Xi Jinping vizitos Svislandon |
| 2017-01-11 |
 De la 15-a ĝis la 18-a de januaro, ĉina prezidanto Xi Jinping vizitos Svislandon, ĉeestos la Jarkunvenon de la Monda Ekonomia Forumo en 2017, en Davos, kaj vizitos la stabejon de UN en Ĝenevo, sidejon de la Monda Sana Organizo kaj tiun de la Internacia Olimpika Komitato. La unua vizito de Xi Jinping en la nova jaro vekis grandan atenton de diversaj rondoj. Ili opinias, ke la ĉi-foja vizito aldonos novan forton al la kreivaj strategiaj partneraj rilatoj inter Ĉinio kaj Svislando, liveros saĝon kaj fidon por regado de la tutgloba ekonomio kaj kontribuos per subteno de Ĉinio al laboroj de UN kaj internaciaj multflankaj kunlaboroj.
La retejo de la svisa federacia registaro informis, ke la vizito de Xi Jinping spegulas la pli kaj pli intimajn politikajn kaj ekonomiajn rilatojn inter la du landoj.
Fabrizio Franzio, itala fakulo pri geopolitiko, emfazis ke la vizito de Xi Jinping profundigos la ĉiuflankajn strategiajn partnerajn rilatojn inter Eŭropo kaj Ĉinio, kaj plu antaŭenigos reciprokajn kunlaborojn en diversaj kampoj.
Yang Chiang, supera esploristo de la Dana Internacia Instituto, diris ke nuntempe regado de la monda ekonomio alfrontas multajn malfacilaĵojn. Kun leviĝo de sia ŝtata potenco, Ĉinio ludas pli kaj pli gravan rolon sur la internacia scenejo. En la estonteco, Ĉinio funkcios kiel ponto inter evoluintaj kaj evoluantaj landoj, kondukos konstruadon de infrastrukturaj projektoj verdaj kaj ampleksaj, kaj lanĉos novajn ideojn kaj manierojn pri internacia ekonomia kunlaboro.
Michael Møller, ĝenerala direktoro de la Oficejo de UN en Ĝenevo, diris: "La vizito de Xi Jinping refoje montras la subtenon de Ĉinio al la multflankismo de UN, ĝiaj laboroj kaj UN kiel granda familio".
"Nun, la mondo vizaĝas al severa defio. La vizito de Xi Jinping al UN transigos al la mondo la mesaĝon, ke la internacia socio povas venki malfacilojn nur per unuiĝo kaj kuna penado." Tion li diris, intervjuite de raportisto de la novaĵ-agentejo Xinhua.
Redaktoro: Niu Xueqin
Ipernity: El Popola Chinio Facebook: EPC El Popola Chinio Twitter: El Popola Chinio WeChat: Skani la du-dimensian kodon por legi EPĈ en WeChat
|
