Por festi la 60-jaran jubileon de la esperantistiĝo de s-ro Hu Guozhu, la Huangshi-a Esperanto-Asocio okazigos kunsidon de la 9a horo ĝis la 12a antaŭtagmeze en la 24a de decembro 2016, en la hotelo Changhang en la urbo Wuhan, Hubei-provinco, Ĉinio. La aranĝo, proponita de geamikoj de s-ro Hu Guozhu, liaj Esperanto-lernantoj kaj adorantoj, havas la temon: "Ne forgesu la historion por disvolvi la spiriton de Longa Marŝado de Esperanto kaj kuraĝigu la posteulojn por disvastigi Esperanton en diversaj flankoj".