La 24-an de oktobro atingis Esperanto-Muzeon la libro Historiaj Restaĵoj pri Ĉina Esperanto-Movado el 15 volumoj en la ĉina lingvo kaj Esperanto eldonita de Fenikso-eldonejo en la provinco Jiangshu, sudorienta Ĉinio, en septembro de la kuranta jaro.

    S-ro Cao Shengqiang, rektoro de la Zaozhuang-a Universitato kaj konstanta komitatano de la Ĉina Esperanto-Ligo, gvidis la kompiladon de la libro kaj s-ro Sun Mingxiao (Semio), asistanta ĝenerala sekretario de la Ĉina Esperanto-Ligo kaj respondeculo de Esperanto-Muzeo en la universitato, funkciis kiel ĉefredaktoro de la libro, kies materialoj venis el la libroj kolektitaj de Esperanto-Muzeo en la Zaozhuang-a Universitato.