La verda monto Leigang majestas kvazaŭ "bova kapo". La malnovaj arboj imponas kiel "bovaj kornoj". La loĝdomaroj en estetika senordeco de oriento al okcidento similas al granda "bova korpo". La zigzaga kanalo (akvo-sistemo) formas "bovan tripon", la lageto Luno el naturaj fontoj en la vilaĝo -- "bovan stomakon" kaj la lago sude de la vilaĝo en kiu sin ĵetas la kanalo -- "bovan ventron". Kvar pontoj super la rivero ĉirkaŭ la vilaĝo aspektas kvazaŭ "bovaj gamboj". La akvo-sistemo dezajnita kun scienca inĝenieco, provizas la vilaĝanojn per akvo ne nur por estingi fajron, sed ankaŭ por klimatizi la vilaĝon. Ĝi oportunas al akvo-liverado por agrokulturo kaj vivo de la loĝantoj, kreante la bonan medion "klara akvo antaŭ ĉiuj domoj".