Ĉefpaĝo | E-novaĵoj | Aktuala temo | Socia Vivo | Ekonomio | Naturo kaj Mediprotekto | Kulturo,Scienco kaj Sporto | Vojaĝo tra Ĉinio
"Kangkang", nova talismano de la Amuzvespero de ĈCTV por la Jaro de Simio
2016-01-22


"Kangkang", nova talismano de la Amuzvespero de ĈCTV por la Jaro de Simio

 

    La Ĉina Centra Televido (ĈCTV) publikigis la novan talismanon "Kangkang" de la amuzvespero por la ĉina tradicia novjaro, Printempa Festo. "Kangkang" estas la dua talismano en la historio de la Amuzvespero de ĈCTV por la Printempa Festo. La pasintjara talismano "Yangyang" por la Jaro de Ŝafo havas la formon de tiu besto, kiu respondecis alporti ĝojon al la spektantoj. Ĉi-jare "Kangkang" pretas fari tion por la Jaro de Simio.

 


Tridimensia "Kangkang"
 

    Simio, inter la 12 simbolaj bestoj asociitaj kun la 12-jara zodiaka ciklo, reprezentas la saĝecon kaj viglecon. Por plene prezenti per la talismano la esencon kaj trajtojn donitajn al simio en la ĉina tradicia kulturo, kaj, por ke la spektantoj akceptu la figuron, ĈCTV petis helpon de Han Meilin, unuaklasa pentristo de Ĉinio kaj unu el la ĉefaj desegnantoj de la talismano de la Pekinaj Olimpikoj.

 

    Han Meilin multflanke konsideris kaj senĉese cerbumis, klopodante por enmeti en sian desegnon la stilon de la amuzvespero. Post kelkdekfojaj provoj, finfine li decidis tiun ĉi desegnaĵon. Antaŭ ĉio "Kangkang" estas aminda, kaj la vigleco de simio estas prezentata per la tradicia ĉina tuĉpentrarto. Ankaŭ la aranĝo de koloroj montras la ĉinan stilon kun okulfrapa aparteco.

 

Redaktoro: Xie Ruifeng

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: Skani la du-dimensian kodon por legi EPĈ en WeChat

(C) China Internet Information Center (Ĉina Interreta Informa Centro)
Retpoŝto: elpc@vip.163.com    Telefono: +86-10-68995930, 68327167    Adr.: P.O.Kesto 77, Beijing CN-100037, Ĉinio