Du jakanaoj en amdancado sur la lago (Foto de Chen Junfeng)

    Ĉi-somere, dekoj da belegaj jakanaoj venis al la malsekejo ĉe la lago Saicheng en la urbo Jiujiang de Jiangxi-provinco, suda Ĉinio. Bona ekologio ĉe la lago provizas ilin per komfortaj vivkondiĉoj. Jakanaoj kun pompaj plumoj kaj gracia paŝado leĝere promenas sur akvolilioj, lotusfolioj kaj aliaj flosantaj plantoj. Intertempe, tiuj belaj birdoj altiras grandan nombron da spektantoj al la malsekejo ĉe la lago.