| Okazis seminario por diskonigi ekonomian kunlaboron de Ĉinio kaj Indonezio | ||
| 2013-04-03 | ||
|
La 1-an de aprilo okazis en Ĝakarto la promocia seminario de la Ĉina-Indonezia Ekonomia Kunlaboro kaj la Ĉina-Sudazia Ekspozicio.
Dum la promocia seminario la provinco Yunnan en sudokcidenta Ĉinio diskonigis 200 projektojn por fari diskutadon kaj kunlaboradon kun Indonezio. 300 miliardoj da juanoj (ĉ. 6.3 juanoj egalas al unu usona dolaro) estos investitaj en la projektoj, kiuj estas en la kampoj de agrikulturo, forstumado, fiŝado, fabrikado, fuelo, transportado, restoracio, turismado, sano, edukado kaj tiel plu.
En la promocia seminario Indonezio kaj la provinco Yunnan subskribis kontraktojn por 12 projektoj kun la totala valoro de 2.17 miliardoj da usonaj dolaroj. Lippo Grupo en Indonezio kaj Dali-gubernio de la provinco Yunnan subskribis 2 novajn interkonsentojn, kiuj havas investon de 790 milionoj da usonaj dolaroj.
Redaktoroj : Zhang Shuang kaj Zhang Xiaotong
|
