Li Keqiang parolanta

Malferma ceremonio de la Boao-a Forumo de Azio 2012

    Matene de la 2-a de aprilo inaŭguriĝis la Boao-a Forumo de Azio 2012, en kiu ĉina vicĉefministro Li Keqiang faris parolon kun la temo "Azio: al sana kaj daŭrigebla disvolviĝo". Li diris, ke kvankam ekzistas ŝanco kaj defio, espero kaj malfacilo dum disvolviĝo de Azio, tamen plimultiĝas ŝanco kaj espero. Ĉinio volas kune kun aliaj aziaj landoj formi komunan interkonsenton kaj klopodi por sana kaj daŭrigebla disvolviĝo de Azio.

    Li diris, la Boao-a Forumo de Azio estas inkluziva platformo de la aziaj landoj al la mondo. Tiujara forumo havas grandan signifon, ĉar ĝi en la situacio de reformanta mondo kondukas Azion al sana kaj daŭrigebla disvolviĝo. Kvankam la monda ekonomio komencas revivi kaj kelkaj landoj jam havas ekonomian kreskon, tamen la internacia financa krizo ankoraŭ influas la tutan mondon, kaj la eŭropa ŝuldo-krizo daŭras, tial plenampleksa reakiro de la monda ekonomio ankoraŭ havas malfacilon kaj bezonas longtempan penadon. Baldaŭ okazos novronda teknologia reformo kaj industria novigo, plirapidas ŝanĝiĝo de la ekonomia strukturo, malfacile antaŭeniĝas la ekonomia tutmondiĝo kaj regiona integriĝo, alĝustiĝos la internacia politika ordo kaj emerĝaj ekonomioj ludas pli gravajn rolojn.

    Laŭ lia parolo, la Boao-a Forumo okazis post la azia financa krizo. Nuntempe, la totala kvanto de la azia ekonomio jam akiris 30% de tiu de la monda ekonomio kaj kontribuis 30% al la monda ekonomia kresko. Azio enhavas la plej multajn emerĝajn ekonomiojn en la mondo kaj ĝiaj avantaĝo kaj disvolva potenco fariĝos evidentaj.

    Kiel la 11-a jariĝo de la Boao-a Forumo de Azio, kun la temo "Azio en ŝanĝiĝo: al pli sana kaj daŭrigebla disvolviĝo", la forumo havas 45 aktivadojn, inkluzive de malferma ceremonio, forumetoj, interparoloj kun famuloj, debatoj en televido, rondtablaj kunsidoj, matenaj kunsidoj, tagmezaj kunsidoj kaj vesperaj kunsidoj, por kontentigi bezonojn de diversaj gastoj, deputoj kaj diskutitaj temoj.

Redaktoroj: Zhao Xi kaj Zhang Xiaotong