La urbo Tianjin, 137 kilometrojn sudoriente de Pekino, areas 11920 kvadratajn kilometrojn kaj havas pli ol 9 milionojn da loghantoj.

La Esperanto-movado de la urbo havas longan historion. Jam en la 20-aj jaroj de la 20-a jc. aperis tie Esperanta organizo. En la 9-a de marto 1985 fondighis la Tianjin-a Esperanto-Asocio (TEA), kiu nun havas 180 membrojn, kaj 4-foje sendis delegacion al la China Kongreso de Esperanto. En la lastaj jaroj TEA akceptis pli ol 50 esperantistojn el diversaj landoj kaj havas amikajn kontaktojn kun Esperantaj organizajhoj de Japanio, Australio, Svedio, Koreio, Pollando, Usono, Germanio, Rusio, Ukrainio, Irano, Pakistano kaj aliaj landoj. Kaj ghiaj membroj multfoje partoprenis diversajn internaciajn renkontighojn. Krome ili sukcese gastigis la 14-an Komunan Seminarion de chinaj, japanaj kaj koreaj junuloj en Tianjin en 1995. Nun TEA havas tri delegitojn kaj sep individuajn membrojn de UEA kaj 4 el ghiaj membroj ricevis mez-nivelajn atestojn de la Internaciaj Ekzamenoj de ILEI/UEA. TEA havas siajn E-eldonajhojn - "Bulteno de TEA" kaj "Verda Haveno".    Por diskonigi Esperanton kaj kulturi novajn esperantistojn, chiujare TEA okazigas E-kursojn diversnivelajn kaj en la 5-a de chiu monato ili havas Esperanto-kunsidon. En la 4-a de majo 2000 fondighis en Guozhuangzi-mezlernejo la Eksperimenta Lernejo de la Tianjin-a Esperanto-Asocio.

Adreso: Wan Xin Cun 5 Qu, 21 Lou 1 Men 501, Hedong Qu, 300162 Tianjin, ChinioTelefono: 86-22-23340937 (Gao Chengyuan) au 86-22-24375557 (Han Zuwu) Prezidanto: s-ro Li Yuan Vicprezidanto: s-roj Gao Chengyuan kaj Han Zuwu Ghenerala sekretario: s-ro Song JingquanAsista ghenerala sekretario: s-ino Wang Jingrong