En tiu ĉi vortareto mi enmetis la pli ol 700 radikojn de la unuaj 5 grupoj de vortoj de la "Baza Radikaro Oficiala (B.R.O.). Al ili mi aldonas kelkajn el la ceteraj grupoj. Por faciligi la komprenon de la klarigoj, mi klopodas uzi simplan lingvaĵon kaj donas ekzemplojn pri la uzado de la vortoj, ilustras per bildoj, kiam eble. Por faciligi memoradon de la plej ofte uzataj vortoj, mi aldonas al ili ankaŭ versaĵojn simplajn.

    La ciferoj 1, 2, 3, 4, 5 ktp antaŭ la artikoloj montras al kiuj grupoj tiuj vortoj apartenas.

-- Laŭlum

    5 ŝafo 1 Remaĉa besto timema kaj multe bredata pro sia lano kaj viando. 2 Tiu sama besto rigardata kiel emblemo de mildeco, savindeco. 3 Tiu sama besto rigardata kiel simbolo de stulteco aŭ grega imitemo.

    2 ŝajni 1 Ekstere aspekti simile al io alia, tiel ke povas okazi aŭ efektive okazas interkonfuzo aŭ eraro: La vojo ~as ĝusta; ~as al mi, ke mi sonĝas; ŝi aŭskultis kaj – kiel ~is – komprenis ŝiajn vortojn. 2 Esti opiniata, kredata, supozata, kvankam ne certa: Nia ĝojo kaj entuziasmo eble ~as al ili naiva kaj infana; ~as al mi, ke la afero nun iras en ordo; la maljunulino, ~as, estas pli ol sepdekjara.

    3 ŝanĝi 1 Anstataŭigi ion per io alia: ~i veston, trajnon. 2 Aliigi, fari ion diferenca. 3 Aliformigi: La feino ~is la frukton en veturilon.

    5 ŝati 1 Rigardi ion kiel valoran, gravan: Oni ~as ĉion novan. 2 Havi altan opinion pri io: Ŝi vin estimas kaj ~as, kvankam ankoraŭ ne amas.

    1 ŝi Singulara, inseksa pron. de la tria persono.

    4 ŝipo Ĉiasurakva veturilo sufiĉe granda.

    5 ŝlosi 1 Fermi per seruro. 2 Malhelpi ies eliron: Ili perdis la vojon, kaj la dezerto ilin ~is.

    5 ŝteli Kaŝe forpreni kaj proprigi alies posedaĵon sen permeso.

    4 ŝtono Natura, malmola ereto ordinare movebla de monto.

    5 ŝtupo 1 Ĉiu el la transversaj ŝtonaj platoj aŭ lignaj tabuloj, metitaj unu super alia por iri supren kaj malsupren. 2 Ĉiu el la gradoj en progresado kaj malprogresado ktp.

    8 ŝuti 1 Ĵeti substancon el multaj malmolaj eroj. 2 Tre abunde aŭ grandkvante doni.