En la ceremonio de la kolektado de sankta fajro por la Pekinaj Handikapulaj Olimpikoj (PHO), svelta kaj gracia knabino kvazaŭ Diino kolektis fajron de la suno antaŭ la Halo de Preĝo por Riĉa Rikolto.

    Tiu ĉi fajro-kolektanto estas daktilologia gvidanto en la Ĉina Handikapula Ensemblo.

    Ŝi, kiu prezentiĝis jam en la fermo de la Atenaj Olimpikoj, surdiĝis pro troa uzado de antibiotiko en la infaneco. Sed ŝi venkis ĉiujn malfacilojn kaj briligis sian vivon.

    Fajro-kolektado

    La 28-an de aŭgusto, okazis fajro-bruliga ceremonio kaj torĉa stafetado de PHO antaŭ la Halo de Preĝo por Riĉa Rikolto en la parko Ĉiela Altaro de Pekino.

    Altstatura Jiang Xintian en blanka robo disetendis siajn brakojn kun rigardo supren al la ĉielo kaj malsupren al la tero por esprimi al ili senliman respekton; poste ŝi denove etendis siajn brakojn por brakumi la sunan lumon por transdoni la plej bonan deziron al la mondo.

    Post tio, ŝi duonkaŭriĝis kaj etendis la fajrilon de torĉo al konkava spegulo. Post momento ekbrulis la torĉo de PHO.

    "Mi estas fiera kiel reprezentanto de la 80 milionoj da handikapuloj de Ĉinio," diris la 24-jara Jiang Xintian " en signolingvo.

    Kiam Jiang Xintian estis 3-monata, ŝi malsanis je pulmito. Pro troa uzado de antibiotiko ŝi surdiĝis. Antaŭ la subita malfeliĉo, ŝiaj gepatroj foje perdis la esperon, sed fine ili decidis malcedi al la malfeliĉo.

    Parolo-trejnado estas malfacila. Por povi prononci simplan sonon "a", Jiang Xintian devis ekzerci sin longan tempon. La enuiga lernado multe ĉagrenis ŝin, kaj ofte ŝia patrino kaj ŝi kune larmis.

    Tial, kiam Jiang Xintian sukcesis elparoli la unuan vorton "patrino" en la aĝo de 3 jaroj, kvankam neklare, ŝian patrino multe emociiĝis. Ŝi tuj registri la sonon kaj ripetfoje aŭskultis ĝin.

    Jam tiam, Jiang Xintian povis mem aĉeti suĉglaciaĵojn -- unu por si mem, kaj la alian por sia patrino. "Tiam mi estis certa, ke Xintian kapablos zorgi sin mem en la vivo," diris la patrino de Jiang.

    Flegate de amo, Jiang Xintian kreskis kaj ekamis artan prezentadon. En 2003 ŝi ĉeestis la konkurson de tutmondaj fraŭlinoj en ĉina regiono kaj gajnis "Premion pro atento de vehikloj" kaj "Specialan honoran premion" instalitan de la organiza komitato speciale por ŝi. Krome, ŝi estis nomumita kiel speciala figura ambasadoro de tiu ĉi konkurso. Poste, ŝi estis elektita de la Ĉina Handikapula Ensemblo kiel gvidanto de daktilologio.

    Senĉece klopodi por realigi la revon

    "En mia estonta vivvojo mi certe kuraĝe akceptos ĉian provon kiel Helen Keller," skribis Jiang Xintian en sia taglibro kiam ŝi lernis en elementa lernejo.

    Nun Jiang Xintian ĉiam kun rideto klopodas por realigi sian revon.

    Por la Pekinaj Olimpikoj kaj PHO, la Ĉina Handikapula Ensemblo kreis grandan teatraĵon "Mia Revo", kaj Jiang Xintian la unua sursceniĝis por gesti la poemon "Mia Revo":

    La vivo akompanata ĉiam de sopiro, revo

    Ni ĝuu la sunan lumon sen ĉeso...

    Nun Jiang Xintian jam realigis sian revon pri lernado en universitato kaj fariĝis studento de la Pekina Unuigita Universitato. "Mi lernis multe tie, sed pro ofta prezentado mi estas tre okupita," diris Jiang Xintian.

    Pri sia estonta vivo Jiang diris, ke ŝi volas daŭre sin okupi pri la aferoj koncernaj al handikapuloj.

    " Ni ja ne estas malfeliĉaj, sed malfacilaj. Mi senĉese klopodas por realigi miajn revojn." Tion "diris" Jiang Xintian, radiante de ĝojo.